Transgender solon wagi muli sa Bataan
MANILA, Philippines — Nagwagi muli si transgender solon Geraldine Roman sa ikatlong termino nito sa 1st District ng lalawigan ng Bataan.
Si Roman ang kaisa-isang kongresista sa Bataan na tumakbo na walang kalaban na nakakuha ng 107, 496 boto sa partial at unofficial na resulta ng bilangan sa Comelec hanggang Mayo 12, 2022 dakong alas-11:17 ng tanghali mula sa 243 Election Returns.
Si Roman ay dating mamamahayag na nakabase sa Spain na nagbalik sa Pilipinas noong 2012 para alagaan ang maysakit nitong ama at kumandidato sa 1st District ng Bataan noong 2016 sa ilalim ng Liberal Party kapalit ng ina nitong si Hermina Roman.
Matapos makuha ang suporta ng Liberal Party sa unang pagsabak nito sa pulitika sa pagtakbong kongresista noong 2016 ay ito ang kauna-unanahang transgender solon.
Nakipag-alyansa naman si Roman sa ruling PDP–Laban Cusi (Energy Secretary Alfonso Cusi), ang paksyon na kinikilala ni outgoing President Rodrigo Duterte.
- Latest