Mister iniwan ni misis, kinatay ang sarili
TUGUEGARAO CITY, Cagayan, Philippines — Sukdulan ang panibugho ng isang 36-anyos na magsasaka matapos mapigilang lumaklak ng pestisidyo ay nag-“hara-kiri” itong kinatay ang sarili upang wakasan na ang suliranin sa kanyang misis na overseas Filipino worker (OFW) sa Brgy. Mapalad, San Agustin, Isabela noong Biyernes.
Kinilala ang biktima na si Raymund Esteban na natagpuang wala nang buhay at nakatusok pa ang kutsilyo sa dibdib sa kanilang kusina dakong alas 3:30 ng hapon. Nabatid sa mga kaanak na matinding depresyon ang pinagdaraanan ni Esteban sa hinalang may ibang lalaking umaangkin sa kanyang misis na nagtatrabaho sa ibang bansa bilang OFW.
Nadagdagan pa ang bigat ng loob ni Esteban nang hilingin ng kanyang misis na maghiwalay na sila.
- Latest