Bagets pisak sa umatras na dyip

TUGUEGARAO CITY, Cagayan, Philippines - Pisak ang isang 16-anyos na Grade 8 student matapos maipit sa mga tipak ng bato na initrasan ng sinabitan niyang passenger jeepney sa Barangay Chalalo, Aguinaldo, Ifugao kamakalawa. ?Kinilala ng pulisya ang biktima na si Ariel Angowan ng Ubao National High School habang nagtamo ng pinsala sa katawan ang estudyanteng si Mayrish Nawalig, 18, ng Ifugao State University at Janice Guinomon 25.?Lumalabas sa imbestigasyon, biglang namatay ang makina ng jeep na minamaneho ni William Polig sa paakyat na bahagi ng bulubunduking kalsada at umatras sa tambak ng malalaking tipak ng bato. Agad namatay ang binatilyo na nakasabit sa likuran ng sasakyan nang mangyari ang insidente.?Dinakip ng mga nagrespondeng pulis ang drayber ng jeepney matapos ang insidente.