Lider ng drug syndicate, dinedo

QUEZON, Philippines – Bulagta ang lider ng drug syndicate sa San Pablo City, Laguna habang malubhang nasugatan ang kasamahan nitong babae makaraang pagbabarilin ng hinihinalang nakaonsehan nila sa iligal na operasyon sa Barangay Lalig, bayan ng Tiaong, Quezon, kamakalawa ng gabi. Nagtamo ng maraming tama sa katawan ang biktimang si Melvin Uypico, 49, may-asawa at sinasabing lider ng Uypico Drug group na ang sentro ng operasyon ay sa San Pablo City at nangunguna sa talaan ng Oplan Lambat Sibat.  Naisugod naman ospital si Ronelyn Andao, 22, ng Parañaque City habang tugis ang isa pang suspek na nakilala sa alyas Buyoy. Nabatid na nag-uusap ang tatlo nang humantong sa mainitang pagtatalo hanggang sa bumunot ng baril si Buyoy at niratrat ang dalawa.