Pa-macho si Mister

Dear Dr. Love,

Hindi po guwapo ang mister ko. ‘Di n’yo naitatanong, maganda ako at kinukuha akong artista noon pero ako lang ang umayaw.

Kaso, matapos ang tatlong taon naming pagsasama ay lumitaw ang nakakainis na ugali ng mister ko. Kahit magkasama kami sa public places, hindi siya nangingiming magpa-charming sa kahit sinong makita niyang magandang babae.

Kahit ‘di kilala ay babatiin at kikindatan sabay sasabihing, “hello, Miss beautiful.”

Sabi niya sa akin, nagbibiro lang siya.

Minsan may nakasalubong kami sa mall na sinabihan niya ng “wow sexy!” Sinagot siya ng babae ng “bastos ka!”

Ako ang napapahiya sa ginagawa niya. Paano ko siya maaawat sa masama niyang ugali?

Marcel

Dear Marcel,

Takutin mo siya na kung hindi niya aalisin ang kanyang kabastusan ay lalayasan mo siya. Isip-bata ang asawa mo kaya pagsabihan mo na mag-mature na.

Nagpakita ka ng galit dahil sadyang pangit ang ginagawa niya dahil nakaiinsulto ito.

Maaaring may secret feeling of insecurity siya dahil maganda ka at siya ay hindi guwapo kaya nagpapa-macho siya sa kanyang  ginagawa sa mga babaeng nakakasalubong niya kahit kasama ka.

Dr. Love