10 Pinoys swak sa 2nd round
MANILA, Philippines — Sampung Pinoy cue masters ang nagtala ng magkakaibang panalo para umarangkada sa second round ng 2021 US Open 9-Ball Pool Championship na ginaganap sa Harrah’s Resort sa Atlantic City.
Nanguna sa matikas na ratsada ng Pinoy squad sina dating world champions Dennis Orcollo, Filipino-Canadian Alex Pagulayan at Carlo Biado na nagtala ng impresibong panalo sa kani-kanyang karibal.
Hindi nakaporma sa tikas ni Orcollo si Miguel Angel Giron Mendiata ng Honduras nang itarak nito ang 9-0 demolisyon habang nanaig si Pagulayan kay Gary Serrano ng Amerika (9-1) at nanalo naman si Biado kay Steve Fleming ng Amerika (9-1).
Pasok din sa second round sina 2021 World 10-Ball Championship third placer Johann Chua, James Aranas, Roland Garcia, Jeffrey De Luna, Jeffrey Ignacio, Roberto Gomez, Warren Kiamco at Daniel Dagotdot
Wagi si Chua kay Steven Way ng Amerika (9-1), nanalo si Aranas kay Sakura Muramatsu ng Japan (9-1), nanaig si Garcia kay Nic Torraca ng Amerika (9-1), nalo si De Luna kay Edward Abraham ng Amerika (9-5), pinabagsak ni Ignacio si Tyler Adolini ng Amerika (9-6), namayani si Gomez kay Joseph Testa ng Amerika (9-7), iginupo ni Kiamco si Michael Delawder ng Amerika (9-3) at pinayuko ni Dagotdot si Jaydev Zaveri ng India (9-7).
- Latest
