Lady Warriors umiskor sa kanilang huling laro
MANILA, Philippines — Itiniklop ng University of the East ang kanilang UAAP Season 86 women’s volleyball campaign sa likod ng isang 23-25, 25-17, 27-25, 25-22 panalo sa University of the Philippines kahapon sa Smart Araneta Coliseum.
Pumalo si super rookie Casiey Dongallo ng 28 points mula sa 25 attacks, dalawang blocks at isang ace para gabayan ang Lady Warriors sa 3-11 record katabla ang Adamson Lady Falcons sa sixth hanggang seventh places.
Nagdagdag si Riza Nogales ng 17 points, habang may 10 markers si Kayce Balingit.
May ambag namang 12 excellent sets si Kizzie Madriaga.
“Given the rookies that we have playing, I felt that we did pretty good. Could have done better but very proud of the accomplishments so far,” wika ni interim coach Obet Vital.
Ito ang huling laro nina Dea Villamor, Dara Nieva at Jen Zeta para sa UE.
Tinapos naman ng Lady Maroons ang kampanya sa 1-13 para sa pinakahuling puwesto.
Kinuha ng UE ang 20-14 abante sa fourth set bago nakadikit ang UP sa 22-23.
Subalit humataw si Dongallo ng isang crosscourt kill para sa 24-22 bentahe ng Lady Warriors.
- Latest