James humataw, Lakers isinalba vs Grizzlies
MEMPHIS, Tenn. — Nang maging agresibo si LeBron James sa fourth quarter ay wala nang nakapigil sa kanya.
Kumolekta si James ng 22 points, 13 rebounds at 8 assists at may 17 markers at 9 boards si Anthony Davis para sa 108-94 panalo ng nagdedepensang Los Angeles Lakers sa Memphis Grizzlies.
Ito ang ikatlong sunod na panalo ng Lakers sa pitong laro.
“At the start of the fourth, I wanted to try and implement myself and my scoring a little bit more,” ani James. “Get a bit more in attack mode and see if I could kind of open the game up and we were able to do that.”
Ang three-pointer ni James sa huling 2:34 minuto ang nagbigay sa Los Angeles ng 101-90 abante na hindi na napaliit ng Memphis.
Binanderahan ni Kyle Anderson ang Grizzlies sa kanyang 18 points, at naglista si Jonas Valanciunas ng 14 points at 10 rebounds.
Sa Phoenix, humataw si Paul George ng 39 points para pamunuan ang 112-107 panalo ng Los Angeles Clippers kontra sa Suns.
Sa Minneapolis, kumamada si Jamal Murray ng season-high 36 points at nagtala ng triple-double si Nikola Jokic para tulungan ang Denver Nuggets sa 124-109 pagdaig sa Minnesota Timberwolves.
Tumapos si Jokic na may 19 points, 12 rebounds at 12 assists para sa kanyang ikaapat na triple-double sa season.
Sa New York, naglista si Bradley Beal ng 27 points at 10 rebounds para sa 123-122 pagtakas ng Washington Wizards laban sa Brooklyn Nets.
Sa Detroit, isinalpak ni Jayson Tatum ang isang fallaway laban kay Blake Griffin sa huling 2.9 segundo para ilusot ang Boston Celtics sa Pistons, 122-120.
- Latest
