^

PSN Opinyon

Bagong rekisitos ng LTO ibasura

- Al G. Pedroche - Pilipino Star Ngayon

NAGMAMARAKULYO ang mga professional drivers sa bagong rekisitos ng LTO na umuobliga sa mga  kumukuha o nagre-renew ng lisensya sa pagmamaneho na magsu­mite ng police at NBI clearance.

May dahilang umangal ang mga mahihirap na ang ta­nging hanapbuhay ay pagmamaneho ng mga public vehicles o kaya’y mga drivers sa mga kompanya o pamilya. Dagdag abala at gastos na naman iyan mula sa kanilang katiting na kinikita.

Pero pansamantalang sinuspinde ng LTO ang reglamentong ito matapos silang kuwestyonin ng Senado sa isinagawang budget hearing. Hindi rin makita ng mga Senador ang sentido ng naturang reglamento. Kung ang punto­ ay upang tiyakin na ang mga kumukuha ng lisensya ay yung mga karapat-dapat lang, ang kailangang ibalik ay ang drug test at ipatupad ito nang tama. Kasi naman, basta’t maglalagay ka lang ay puwede kang pumasa sa drug test kahit sugapa ka sa droga.

Hindi nga ba may mga drivers na nasasangkot sa mga aksidente na nang isailalim sa drug test ay positibong gu­magamit ng droga?

Sa budget deliberation, kinuwestiyon nina Senate Pre­sident Franklin Drilon at Senate Protempore Ralph Recto ang nasabing polisiya. Iginiit ni Recto na pahirap lamang sa mga mamamayan ang nasabing bagong requirement sa pagkuha ng lisensiya.

Dapat ay maging episyente ang LTO sa mga dapat atu­pagin nito gaya ng pagpapalabas ng mga plaka ng sasak­yan na inaabot ng taon. Puro pahirap ang ginagawa ng ahensyang ito sa taumbayan. Wika nga ni Sen. Ralph Recto: “Delayed na yung license plate, delayed pa yung driver’s license, pahihirapan na naman natin yung ordinaryong nagmamaneho, naghahanapbuhay.”

Dapat ay tuluyan nang ibasura ang   policy na ito dahil tiyak kong makaka­apekto nang malaki sa ating public transport system at marami ang mawawalan ng hanapbuhay. Paano kung ang driver ay ex-convict o kaya’y may asunto sa hukuman na hindi pa nareresolba? Tiyak hindi mabibigyan ng NBI clearance iyan. Paano sila maghahanapbuhay?

vuukle comment

ACIRC

ANG

DAGDAG

DAPAT

DRILON

MGA

PAANO

RALPH RECTO

SENATE PRE

SENATE PROTEMPORE RALPH RECTO

SHY

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with