Mister itinumba sa loob ng bahay
MANILA, Philippines — Patay ang isang 40-anyos na mister na hinihinalang sangkot sa transaksyon ng iligal na droga makaraang pasukin at pagbabarilin ng dalawang hindi nakilalang salarin sa loob ng kaniyang bahay sa Tondo, Maynila kamakalawa ng hapon.
Kinilala ang nasawi na si Jose Dennis Dazer, , garbage collector, ng Bldg. 2 Aroma Compound, Brgy. 105, Tondo.
Sa ulat ng Raxabago Police Station 1, naganap ang pamamaril dakong alas-4 ng hapon sa loob ng bahay ng biktima. Ayon sa partner ng biktima na si Marilyn, 52, nagulat na lamang sila nang puwersahang buksan ang pinto ng kanilang bahay at walang sabi-sabing pinagbabaril si Dazar ng dalawang lalaki.
Sa pagsusuri ng pulisya sa cellular phone ng biktima, nakita dito ang palitan ng text messages ukol sa transaksyon sa iligal na droga. Kasalukuyang isinasailalim sa masusing imbestigasyon ang laman ng telepono upang makilala at madakip ang mga suspek na nasa likod ng krimen.
- Latest
