Mga bus papayagang bumiyahe sa GCQ
MANILA, Philippines — Papayagan na ng pamahalaan na bumiyahe ang mga pampasaherong bus sa mga lugar na nasa ilalim ng general community quarantine (GCQ).
Ito ang sinabi ni Department of Interior and Local Government (DILG) Secretary Eduardo Año, ngunit nilinaw na kinakailangang sumunod pa rin ang mga ito sa ipinatutupad na panuntunan ng pamahalaan, kabilang na ang pagsasakay lamang ng 50% ng kanilang passenger capacity upang matiyak na maoobserbahan ang physical distancing.
Dapat din aniyang may probisyon ng minimum health standards.
“Under GCQ, ang buses papayagan na rin ‘yan pero 50% capacity at mayroon dapat provisions diyan ng minimum health standards,” ani Año, sa panayam sa telebisyon. “’Yung mga upuan niyan ay hindi talaga dapat uupuan lahat, may alternately... nasa kanan ‘yung una, ‘yung susunod nasa kaliwa and so on and so forth”. Dagdag pa ni Ano
Dapat din aniyang magpatupad ang mga bus terminals ng “log-in” system sa mga pasahero para sa posibleng contact tracing measures.
Pagdating naman aniya sa mga pampasaherong jeepney, maaaring payagang bumiyahe ang traditional jeepneys kung na-reconfigured na ang kanilang mga upuan at kung aprubado ito ng Department of Transportation (DOTr).
Paliwanag ni Año, ang problema sa traditional jeepney ay magkakalapit at magkakaharap ang mga pasahero at kapag dumaan ang pasahero ay talagang halos ‘face-to-face’ na rin ang distansiya nila.
“So one way is to reconfigure the seats and have it approved by DOTr and probably it’s time na siguro na magmodernize jeepney na tayo,” paliwanag pa ni Año.
Sinabi naman ni Año na maaari pa rin namang gamitin ang mga jeep bilang delivery vehicles.
Related video:
- Latest
