COVID-19 recoveries sa Quezon City, lumobo
MANILA, Philippines — Lumobo ang bilang ng mga pasyenteng gumaling sa COVID-19 sa lungsod Quezon .
Ito ay makaraang makapagtala ang QC Health Department ng 110 new recoveries o may kabuuan na ngayong 576 pasyente ang gumaling sa COVID.
Nakapagtala naman ang QC ng 1,832 COVID-19 cases at 14 pasyente ang nasawi sa sakit o may kabuuang 161 na ang namatay sa virus.
Habang ang ibang lugar ay nasa modified enhanced community quarantine, patuloy namang nasa ilalim ng extreme enhanced community quarantine dahil sa may higit sa tatlong kaso ng COVID ang marami pang barangay sa lungsod.
May 412 test na ang naisagawa ng tatlong QC run hospitals sa Novaliches district Hospital, Rosario Maclang Bautista General Hospital,SB park Novaliches, Asian Institute of tourism at QC Health department.
Ang mga nakatira naman sa mga lugar na nasa modified ECQ sa QC ay pinapayuhang sundin ang mga naitakdang localized protocols tulad ng palagiang pagsusuot pa rin ng mask at ipairal ang social distancing oras na lumabas ng tahanan dala ang kanilang quarantine pass.
- Latest
