200 pamilya sa Caloocan tumanggap ng tig-10K livelihood assistance
MANILA, Philippines — Namudmod ng tig-P10,000 si Mayor Oscar Malapitan sa may 200 pinakamahihirap na pamilya sa lungsod upang makatulong umano sa kanilang antas ng kanilang pamumuhay.
Sinabi ni Malapitan na nasa 200 mga piling pamilya na nasa ilalim ng programang Pantawid Pamilyang Pilipino Program (4Ps) ang benepisaryo ng kanilang “livelihood assistance”.
Aabot sa P2 milyon ang nailabas na pondo ng Pamahalaang Lungsod para sa naturang programa.
Umaasa naman si Malapitan na gagamitin ng wasto ng mga benepisaryo ang pera tulad ng pagpapaaral sa kanilang mga anak o pagtatayo ng kahit maliit na negosyo para mapaunlad ang kanilang pamumuhay.
Imo-monitor naman ng Department of Social Welfare and Development at ng Caloocan City Social Welfare and Development ang mga benepisaryong pamilya kung paano nila gagamitin ang pera.
- Latest
