2-day coding hindi pa ipapatupad -- MMDA
Ang halos malaking parking sa kahabaan ng EDSA at ilan pang pangunahing lansangan sa Metro Manila dahil sa matinding trapik ang sinasabing dahilan kung kaya pinag-aaralan na ipatupad ang expanded number coding o ang dalawa o tatlong araw na coding sa mga motorista na ayon naman sa MMDA ay wala pang katiyakan dahil nangangailangan pa ito ng masusi at mahabang pag-aaral. Boy Santos
Maraming pag-aaral pa ang kailangan
MANILA, Philippines - Inihayag kahapon ng Metropolitan Manila Development Authority (MMDA) na wala pang katiyakan kung ipapatupad ang expanded number coding scheme sa kabila ng high volume ng mga sasakyan ang nasa lansangan ng Metro Manila.
Magkagayunman, agad na itong inalmahan ng mga transport group na PISTON at Pasang Masda, dahil ang maapektuhan aniya nito ay ang mga driver na namamasada, na dapat aniya huwag isali sa mga ganitong programa.
Sa halip aniya magpatupad ng mga programang para masolusyunan ang mabigat na trapik, ang dapat aniya gawin ng MMDA ay mahigpit na ipatupad ang batas trapiko sa mga lansangan.
Ayon kay MMDA spokesperson na si Celine Pialago, na hindi dapat na maalarma ang mga motorista sa balitang implementasyon ng “expanded number coding scheme” o ang dalawang araw na number coding dahil marami pa aniyang pag-aaral ang gagawin dito ng MMDA bago ito ipatupad.
Kung saan kukunsultahin muna aniya sa naturang traffic scheme ang Metro Manila Council (MMC), na kinabibilangan ng mga Metro mayors, na siyang policy making body ng ahensya.
Magugunitang kamakalawa nabanggit ni MMDA Chairman Danny Lim na plano nilang gawing dalawang araw ang number coding para mabawasan ang dami ng sasakyan sa lansangan na siya talagang ugat ng matinding trapik.
- Latest
