Pangulong Marcos balik Pinas na
MANILA, Philippines — Dumating na sa bansa si Pangulong Ferdinand Marcos Jr. matapos ang dalawang araw na state visit sa Australia.
Sinabi ni Presidential Communications Office (PCO) Secretary Cheloy Garafil na dumating ang Pangulo bandang alas- 8:30 ng gabi nitong Huwebes.
Sa isang pahayag, sinabi ni Marcos na ang kanyang dalawang araw na state visit ay mahalagang hakbang para oportunidad at potensyal para mapataas pa ang bilateral relationship sa Australia mula sa komprehensibong strategic partnership.
Si Marcos ang kauna-unahang presidente ng Pilipinas na nagsalita sa Australian Parliament.
“I conveyed to Australian legislators the important role of both our countries as proponents of the rules-based international order and its significance amidst the present complexities in the global geopolitics,” wika niya.
Iginiit pa ng Pangulo bilang democratic maritime nations, ang access sa global commons tulad ng karagatan ay dapat mabantayan at maprotektahan.
Sa pagbisita rin ng Pangulo sa naturang bansa ay nilagdaan nito ang tatlong kasunduan sa usapin ng maritime cooperation, cyber at critical technology.
- Latest
