Manny Villar 'no. 1 richest Pinoy' pa rin sa 2023 Forbes billionaire list
MANILA, Philippines — Nananatiling si dating Sen. Manny Villar ang pinakamayamang Pilipino matapos ilabas ng Forbes ang kanilang ika-37 billionaires ranking — dahilan para hirangin ang negosyante bilang "232nd richest person" sa buong mundo ngayong 2023.
Sa Forbes "World's Billionaires List: The Richest in 2023" na isinapubliko nitong Miyerkules, lumalabas na nasa $8.6 bilyon ang net worth ng 73-anyos na dating pulitiko.
"Manuel Villar chairs property developer Vista Land & Lifescapes run by his son Manuel Paulo. The company listed VistaREIT, a real estate investment trust, in June 2022 with an initial portfolio of 10 shopping malls and two office towers," sabi ng Forbes.
Ineestima ng Forbes ang kanilang real-time net worth bilang $9 bilyon, dahilan para tignan siya bilang ika-217 "richest in the world today."
Narito ang listahan ng mga Pilipino na napasama sa listahan:
- Manuel Villar: $8.6 billion
- Enrique Razon Jr.: $7.3 billion
- Ramon Ang: $3.4 billion
- Henry Sy Jr.: $2.5 billion
- Andrew Tan: $2.5 billion
- Hans Sy: $2.4 billion
- Herbert Sy: $2.4 billion
- Lucio Tan: $2.4 billion
- Harley Sy: $2.3 billion
- Teresita Sy-Cosin: $2.2 billion
- Elizabeth Sy: $1.9 billion
- Lance Gokongwei: $1.4 billion
- Tony Tan Caktiong: $1.2 billion
- Inigo Zobel: $1 billion
Kilalang asawa ni Manny si Sen. Cynthia Villar habang anak naman nila si Sen. Mark Villar. Taong 2022 lang nang kilalanin siya ng Forbes bilang pinakamayamang Pilipino noong taong ding 'yon.
Pinakamalaking asset ni Villar ay ang kanyang stake sa Golden MV Holdings (dating Golden Bria), na siyang developer ng mass housing projects at memorial parks.
Meron pa siyang tatlong listed entities gaya ng mall operator na Vistamalls, home improvement chain na AllHome at supermarket chain na AllDay Marts.
Hawak din niya ang kontrobersyal na AllTV, na siyang kumuha sa dating frequencies ng ABS-CBN. Kinalasan ito ng TV host na si Willie Revillame kamakailan ayon kay Cristy Fermin.
"Globally, we counted 2,640 ten-figure fortunes, down from 2,668 last year. Altogether, the planet’s billionaires are now worth $12.2 trillion, a drop of $500 billion from $12.7 trillion in March 2022," sabi pa ng Forbes.
"Nearly half the list is poorer than a year ago, including Elon Musk, who falls from No. 1 to No. 2 after his pricey acquisition of Twitter helped sink Tesla shares. Bernard Arnault, head of luxury goods giant LVMH, takes his place as the world’s richest person, marking the first time a citizen of France leads the ranking."
- Latest
