^

Bansa

'Buti pa kulungan ng baboy': Relocation sites na walang tubig, kuryente idinulog

James Relativo - Philstar.com
'Buti pa kulungan ng baboy': Relocation sites na walang tubig, kuryente idinulog
People walk past row of houses originally built by the government for uniformed personnel and which has remained idle for years in Pandi town, Bulacan province, north of Manila on March 22, 2017. Thousands of urban poor families from Manila and Bulacan took over the unoccupied homes in a campaign they called "Occupy Bulacan" two weeks ago to assert what they said was the Filipino poor's right to free housing from the government. Press reports said the National Housing Authority (NHA) last year reported that there are 52,341 idle houses nationwide that were meant for the personnel of Philippine National Police (PNP) and Armed Forces of the Philippines (AFP), but in this number, only 13 percent or 8,327 were occupied. Nearly a quarter of Manila's 13 million residents live in slums due to poverty and a shortage of low-cost housing, studies have found.
AFP/Ted Aljibe, File

MANILA, Philippines — Ikinabahala ng isang senador ang sinasapit ng ilang informal settlers matapos i-demolish sa mga lungsod — may tirahan man kasi, daratnan naman daw nilang walang linya ng kuryente, tubig o access sa transportasyon ang mga relokasyon ng gobyerno.

Ito ang binigyang-diin ni Sen. Raffy Tulfo, Lunes, habang nakikipag-usap sa National Housing Authority at Department of Human Settlements and Urban Development.

"May mga reklamo akong natatanggap mula sa mga mahihirap nating mga kababayan na ang mga bahay na pinaglipatan sa kanila ay walang kuryente, walang tubig, hindi maayos ang sewage system, sira-sira ang dingding, tumutulo ang bubong at malamok," sabi ng senador sa isang pahayag.

"Minsan mas mabuti pa nga ang mga tangkal ng mga baboy: may kuryente, may tubig, may tamang ventilation. Ang mga tao sa mga resettlement areas, kawawang-kawawa."

Mungkahi tuloy ni Tulfo na tanggalin na ang praktis ng ilang utility companies na nagre-require ng "minimum number" ng tao sa komunidad bago sila kabitan ng linya ng tubig at kuryente, lalo na't naaargabyado lang daw ang mga residente.

Ilan din daw sa mga estudyante ang kinakailangan pang maglakas ng isa hanggang dalawang kilometro bago man lang makasakay ng pampublikong transportasyon.

Kinilala naman daw ni DHSUD Undersecretary Avelino Tolentino III ang mga isyu, habang sinasabing aarilin nila ang mga existing sites upang matiyak na mabibigyan ng sapat na serbisyo ang mga occupants.

Disente't abot-kayang pabahay, in-city housing

Malugod namang tinanggap ng militanteng urban poor group na KADAMAY ang pagkilala ni Tulfo sa problema ng mga maralita sa relokasyon, bagay na nangyayari raw dahil sa "kawalan ng matinong plano" sa pababahay, kabuhayan at serbisyo sa bansa.

"Sa matagal na panahon, palaging wala pa sa 1% ng kabuuang national budget ang inilalaan ng pamahalaan para sa programang pabahay at suporta sa mga relocatees," ani Mimi Doringo, secretary general ng KADAMAY, sa panayam ng Philstar.com, Martes.

"Bunga rin naman ng kahirapan kaya napipilitan ang mga relocatees na pagkakitaan ang awarded units."

Idiniin din nina Doringo na dumarami ang mahihirap sa lungsod dahil sa pagpapalayas at "landgrabbing" ng ilang negosyante sa mga sakahan para tayuan ng mga subdibisyong 'di kayang tirhan ng mahihirap.

Hinihinkayat ngayon ng KADAMAY si Tulfo na tumulong sa pagsasabatas ng disente, abot-kaya at pangmasang pampublikong pabahay. Mainam din daw na suportahan ng senador ang House Bill 4087 (On-site Development Bill) at HB 4898 (National Minimum Wage bill) na siyang mapapakinabangan ng sektor.

"Kabilang dito ang pagi-institutionalize ng on-site at in-city housing at dagdag national budget para sa pagpapagawa ng public housing at pagsasaayos ng mga relokasyon," saad pa ni Doringo.

"Kagyat din dapat isabatas ang pagkakaroon ng National Minimum Wage na nakabatay sa Family Living Wage na P1,100 kada araw."

Sa ilalim ng Article XIII, Section 10 ng 1987 Constitution, bawal paalisin o wasakin ang pamamahay ng mga maralitang lungsod maliban na lang kung:

  • alinsunod sa batas at ginawa sa "makatarungan at makataong paraan"
  • nagsagawa na ng sapat na konsultasyon sa mga residente at sa komunidad kung saan sila ililipat

Ilan sa mga daing ng mga urban poor ay ang layo ng mga relokasyon na ibinibigay sa kanila tuwing may demolisyon, na siyang malayo sa kanilang mga trabaho at paaralan ng mga bata.

INFORMAL SETTLERS

KADAMAY

RAFFY TULFO

URBAN POOR

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with