^

Bansa

Big-time rollback sa petrolyo, larga ngayon

Ludy Bermudo - Pilipino Star Ngayon
Big-time rollback sa petrolyo, larga ngayon
Sa isang advisory, sinabi ng Pilipinas Shell Petroleum Corp., Caltex, Seaoil na magbabawas ito ng presyo kada litro ng diesel ng P3.95, kerosene P2.65 at gasolina P0.85.
Michael Varcas, file

MANILA, Philippines — Malaking rollback sa presyo ng diesel at kerosene habang halos piso sa gasolina ang sasalubong ngayong araw sa mga motorista.

Sa isang advisory, sinabi ng Pilipinas Shell Petroleum Corp., Caltex, Seaoil na magbabawas ito ng presyo kada litro ng diesel ng P3.95, kerosene P2.65 at gasolina P0.85.

Ipapatupad ng PTT Philippines, Cleanfuel at Petro Gazz ang parehong adjustments sa diesel at gasoline, habang wala naman silang produktong ke­rosene.

Pagtuntong pa lang ng alas-12:01 ng madaling araw ngayong Martes ay ipatutupad na ng Caltex at Cleanfuel ang adjustments.

Epektibo naman ang bawas presyo alas-6 ng umaga ng Martes ng kumpanyang Shell, Seaoil, PetroGazz at PTT Philippines.

Wala pang anunsyo ang iba pang kumpanya bagamat inaasahan din ang katulad na rollback.

Ito ang ikalawang sunod na linggo ng mga rollback sa gasolina, at ikaanim sa diesel at kerosene.

Ang nagsabing inaasahan ang pagbaba ng presyo dahil sa epekto ng mas mataas na kaso ng COVID-19 sa mainland China sa demand ng gasolina, ang mas mataas na imbentaryo ng krudo sa United States, at ang ipinataw na limitasyon ng presyo sa krudo ng Russia. — Angie dela Cruz

OIL PRICE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with