Pagbibitiw nasa NYC chair – Panelo

MANILA, Philippines — Ipinauubaya ng Malacañang kay National Youth Commission (NYC) chairman Ronald Cardema ang desisyon kung magbibitiw ito sa puwesto kasunod ng panawagan ng mga mambabatas at youth organizations.

“It is up to NYC chief Ronald Cardema to decide on calls for him to resign,” ayon kay Presidential Spokesman Salvador Panelo.

“Kung sa tingin niya nakakabigat siya sa administrasyon dahil doon sa kanyang mga kataga, eh alam niya rin ang gagawin niya,” dagdag pa ni Panelo.

Magugunita na hiniling ni Cardema kay Pangulong Duterte na magpalabas ito ng executive order upang bawian ng scholarships ang mga kabataang estudyante sa mga State Colleges and Universities (SUC’s) na sumasali sa anti-government protests.