2 sundalo utas sa ambus
MANILA, Philippines - Dalawang sundalo mula ng 64th Infantry batallion ang nasawi makaraang tambangan ng tatlong hinihinalang miyembro ng Abu Sayyaf Group (ASG) sa Sumisip Basilan kahapon.
Sa inisyal na ulat ni Major Felimon Tan, tagapagsalita ng Armed Forces of the Philippines Western Mindanao Command, nangyari ang insidente sa Brgy. Tumahubong, Sumisip Basilan, dakong alas 10:25 ng umaga.
Sinasabing ang mga biktima ay pabalik mula sa logistics sakay ng isang motorsiklo patungong sa kanilang company sa Barangay Sapah Bulak mula Brgy. Tumahubong nang tambangan at pagbabarilin ng mga bandido.
Agad na nagsipagtakas ang mga salarin matapos ang insidente sakay ng isang motorsiklo sa direksyon ng Gantalan Brgy Sapah Bulak, Sumisip, Basilan.
Nang magresponde ang militar, narekober nila ang mga katawan ng mga sundalo sa lugar.
- Latest
