Miriam isinugod sa ospital
MANILA, Philippines – Inihayag kahapon ng asawa ni Senator Miriam Defensor-Santiago na inilipat sa Intensive Care Unit (ICU) ng Makati Medical Center (MMC) ang Senadora matapos dalhin sa nasabing ospital noong Mayo 30, Lunes.
Ayon kay Narciso “Jun” Santiago, hindi muna sila tatanggap ng bisita at hindi rin tatanggap ng mga regalo katulad ng mga bulaklak.
Inilipat umano sa ICU si Santiago noong Martes ng gabi mula sa kaniyang pribadong kuwarto sa MMC.
Sinabi ni Santiago (Jun) sa statement na maayos naman ang kalagayan ng senadora at nakakapagbiro pa rin ito.
Sa statement, nagpasalamat si Santiago sa kanyang pamilya, kaibigan, supporters, fans, at iba pang nagdarasal para sa mabilis niyang paggaling.
Kabilang si Santiago sa mga ga-graduate na senador ngayong 16th Congress at nauna ng nagpadala ng sulat kay Senate President Franklin Drilon na hindi na makakadalo sa mga huling araw ng sesyon dahil sa kanyang karamdaman.
Noon pang 2013 naka-medical leave si Santiago dahil sa chronic fatigue syndrome. Ito rin mismo ang naghayag sa media na mayroon siyang stage 4 lung cancer na naging dahilan upang hindi na lalo siya makapasok sa Senado.
- Latest



















