_ngayon
^

Igalang ang Comelec ruling

Rudy Andal (Pilipino Star Ngayon) - December 2, 2015 - 9:00am

MANILA, Philippines – Pinayuhan kahapon ng Malacañang ang kampo ni Sen. Grace Poe na igalang nito ang batas at gumawa na lamang ng mga hakbang na legal matapos itong i-disqualify ng Commission on Elections dahil sa kakulangan ng residency requirements bilang presidential candidate.

Ayon kay Presidential Spokesman Edwin Lacierda, puwede pa namang umapela ang kampo ni Sen. Poe kaugnay sa naging desisyon ng Co­melec.

Naniniwa si Lacierda na ang nasabing pasya ay naabot ng Comelec matapos na dumaan sa prosesong itinatadhana ng batas.

Mayroon naman aniyang ibang opsyon ang legal team ng senadora na pwede nitong gamitin para subukang baligtarin ang pasya ng poll body.

Sa naging desisyon ng 2nd division ng Comelec, pinaboran nito ang petis­yon ni Atty. Estrella Elamparo na hindi naabot ni Poe ang 10-year residency requirement na hinihingi ng Saligang Batas para sa isang presidential candidate na tatakbo sa 2016 elections.

Inamin din ni Poe sa panayam ng Bombo Radyo kamakalawa na ‘maliit na bagay’ lamang naman daw ang kakula­ngang 6 months sa residency requirements nito.

May 5 araw ang kampo ni Poe upang umapela sa naging desisyon ng 2nd division sa Comelec en banc.

ACIRC ANG ATILDE AYON BOMBO RADYO COMELEC ESTRELLA ELAMPARO GRACE POE INAMIN PRESIDENTIAL SPOKESMAN EDWIN LACIERDA SALIGANG BATAS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with