Dating inaayawan, gusto na ngayon

Dear Vanezza,

Tawagin mo na lang akong Miya, 20. Mayroon akong masugid na manliligaw. Matagal na siyang dumidiskarte sa akin pero wala akong gusto sa kanya at the start. Binasted ko na siya pero masyadong pursigido at ayaw akong tigilan. May 3 months din siyang nanligaw sa akin. Isa siyang scholar at matalino pero hindi kaguwapuhan at mukhang nerd. Hanggang sa tumigil siya sa panunuyo. Siguro nagsawa na rin siya at na-realize na wala siyang mapapala sa akin. Pero para ko siyang nami-miss ngayon. I am not sure if I am falling for him, but something strange is taking place in my heart. Gusto ko siyang magbalik sa panliligaw pero lately, tila hindi na niya ako pansin. Ano kayang mabuti kong gawin?

Dear Miya,

Kung minsan talagang strange ang pag-ibig. Ang inaayawan mo ngayon ay puwede mong mahalin bukas. Kung makakasalubong mo siya sa campus ay ngitian mo siya at batiin without necessarily showing that you are developing an interest in him. Sikapin mong ma-restore ang inyong friendship and start of from there. Mabuti nga kung magsisimula kayo bilang magkaibigan dahil diyan umuusbong ang matibay na pagmamahalan.

Vanezza