It is More Fun in the Phils.

Hindi maiwasan ang ma-homesick kapag pinag-uusapan ang Christmas kapag ikaw ay isang Overseas Filipino Workers. Kahit ilang taon pa sa ibang bansa, unique pa rin ang selebrasyon sa ‘Pinas.  Pagkatapos pa lang ng All Saints’ Day lahat ay aligaga na agad sa pagsa-shopping mula sa paghahanda ng dekorasyon at ipamimigay na regalo.

Samantalang sa U.S kahit pa sabihin pang White Christmas dahil sa malamig na pag-ulan ng snow. Maagang nagsisimba at minsan kahit wala pang Noche Buena ay nagdi-dinner na ang lahat, pagkatapos ay pupunta ng plaza kung saan may malaking Christmas Tree na nakalagay. Uuwi ng bahay at saka pa lang magbubukas ng gift.

Samantalang sa ‘Pinas basta pagpasok pa lang September ay maririnig mo na ang mga Christmas songs. Hindi mo rin matatanggihan ang pagka-carolling ng mga bata kahit nagpapalit lang silang magkakasama sa harap ng bahay na kumakanta. Kahit walang pera ay makakaraos na sa mga murang prutas at tinapay.  Walang katapusang huntahan ang reunion ng pamilya at walang sawa sa kantahan ng videoke. Hindi pa natatapos ang selebrasyon ng kapaskuhan hanggang  Jan 3.

Iba talaga ang selebrasyon ng Pasko sa ‘Pinas na swak sa linyang  it is more fun in the Philippines.