Rabiya, umaming bugbog mentally at emotionally sa pagkatalo sa Miss U!

Aminado si Miss Universe Philippines Rabiya Mateo na bugbog siya emotionally and mentally sa pagsali sa Miss Universe na ginanap last month sa Hollywood.

Aniya : “Binugbog ako emotionally and mentally but I tried to be strong. I tried to hold myself together.”

Sinabi rin niyang “I love myself even better now. What I’ve been through is never easy. I know it’s gonna be hard but not as hard as what happened in the competition,” banggit niya sa interview ni tito Boy Abunda sa Tonight with Boy Abunda.

Grabe kasi ang naging expectation ng lahat kay Rabiya. Inasahan nila na ito na ang pang-limang Miss Universe na Pinay, pero hanggang Final 21 lang siya umabot.

Piolo at Bea susunod na kay John Lloyd sa GMA?!

Timeslot pala ang naging problema kaya hindi natuloy ang comedy show last year ni John Lloyd Cruz sa Brightlight Productions para sa TV5 ayon sa isang source.

Inamin nga ni John Lloyd sa interview ni MTRCB Chair Rachel Arenas na meron talaga silang planong gumawa ng sitcom pero hindi nag-materialize. Si Direk Bobot Mortiz din sana ang magdidirek nito sa Brightlight Productions.

Pero ‘yun nga, sadly, hindi ito nakakuha ng timeslot ayon sa isang reliable source.

Anyway, obviously nawalan agad ng papel ang management group ni Maja Salvador sa pagpirma ng actor ng contract sa WBR Productions ni Willie Revillame. Last week ay nagpa-press release pa naman sila Maja na officially ay sila na nga ang hahawak sa career ng actor with matching pictorial pa.

Pero si John Lloyd daw mismo ang nakipag-negotiate sa WBR katulong si Mr. Johnny Manahan na hindi maganda ang naging hiwalayan sa Brightlight.

At after daw ni John Lloyd, true ba ang chikang si Piolo Pascual naman diumano ang pipirma ng WBR?

Ne-negotiate rin daw ito sa kasalukuyan nina Mr. M and Direk Bobot Mortiz na tauhan na rin ngayon WBR. Parehong nagtrabaho sa Brightlight sina Mr. M and Direk Bobot after na mawalan ng franchise ang ABS-CBN.

So magiging Kapuso na rin kaya si Piolo tulad ni John Lloyd?

Inactive sa TV and movies si Piolo after ng Sunday Noontime Live sa TV5 na isa sa six shows ng Brightlight last year. Sadly isa na lang ang natira ngayon, ang Lunch Out Loud (LOL).

So tatlo na nga ba sila nina Bea Alonzo na magiging Kapuso?

Malakas ang chikang ipo-produce ng WBR ang comedy show ni John Lloyd with Andrea Torres na ikinatuwa ng bashers and haters nina Derek Ramsay and Ellen Adarna na ex ng dalawa.