Alden natanggal na lahat ng hiya

MANILA, Philippines - Nasisindak man pero hindi rin nagpapahalata si Alden Richards habang kaeksena ang batikang stars tulad nina Jaclyn Jose, Roi Vinzon, Raymond Bagatsing, at kahit si Direk Laurice Guillen.

Isinugal ng GMA si Alden na maging leading man ni Marian Rivera at pasado naman ang binata. Magka-vibes pa nga ang dala­wa. Dahil siguro sa parehong laki sila sa lola.

Maraming gulat na kay Alden ngayon, wala man lang katakut-takot umeksena raw kahit pa sino’ng kaharap. Halatang super build up ang GMA sa binata.

Barbie palaging dinidikitan ni Derrick

Uso na naman ang horror films tulad ng pelikulang Full Moon, starring Derick Monasterio at Barbie Forteza, sa direction ni Dante “Boy” Pangilinan. Magdamag silang nag-shooting sa Sta. Maria, Bulacan sa bahay ng movie booker na si Vic Martinez.

Takot na takot si Barbie, kahit sabihing nagsyu-shooting lang sila, kaya palaging nariyan lang si Derrick na nakahandang ipagtanggol ang young actress. Kahit multo raw ay nakahanda siyang labanan.

Kasama rin nila sa cast sina Ricardo Cepeda, Eric Fructuoso, at Mike Magat.

Pag-babu ni Madam Chairman ikinalungkot

Ano ba ’yan, kung kailan pa nag-e-enjoy ang televiewers sa programang Madam Chairman ni Megastar Sharon Cuneta ay saka bigla itong nawala sa ere?

Nakakaaliw kasi ang mga kakengkayan ng mga character na involved sa show tulad nung kina Bayani Agbayani, Malou de Guzman, Lou Veloso, Fanny Serrano, Manny Valera, at iba pa.

At siyempre, maga­ling pa namang makisama si Mega at masayahin kaya nalungkot sila noong last day taping na nila.