Mariel magso-showbiz na lang

MANILA, Philippines - Bagsak si Mariel de Leon sa 50th Binibining Pilipinas. “Thank you girl” siya sa nasabing contest na ginawa sa Smart Araneta Coliseum. Hindi man lang siya naging runner-up. Dismayado tuloy ang parents niyang sina Christopher de Leon at Sandy Andolong.

Magso-showbiz na lang daw si Mariel. Kung nanalo man lang sana siya, kahit runner-up, mas malaki ang future niya sa showbiz.

 Richard wagi sa loveteam nila ni Dawn

Manalo na kayang mayor ng Ormoc this time si Richard Gomez? Ilang beses na kasi siyang nabigo sa kanyang political ambition. Talo siya una sa party list na MAD (Mamamayan Ayaw sa Droga). Talo rin siya nang tumakbo bilang senador.  Na-disqualify naman siya nang tumakbong congressman sa Leyte kaya pumalit si Lucy Torres na misis niya pero kinuwestiyon din. Mas mukhang mananalo pa si Lucy sa kanyang bid for reelection ngayon kesa kay Goma.

Pagkatapos ng eleksiyon, gagawang tiyak ng pelikula si Richard katambal si Dawn Zulueta na talaga naman ang beauty ay ’di kumukupas.

Bow kami sa tambalang ito. Panalo ka rito, Goma!