Darren, ayaw nang ma-pressure

Nag-celebrate ng kanyang 10th anniversary si Darren Espanto at magkakaroon siya ng anniversary concert, D10, on June 1, 2024. 

“I feel like it’s been such a long time since The Voice Kids but at the same time, it feels like it’s been such a quick journey as well. But when I look back on everything I’ve done, parang grabe, ang dami na nangyari sa buhay ko, sa career ko and I’m just very grateful for everything that has happened in the past 10 years.

“Si Darren ngayon ay mas mature syempre and hindi na ako ‘yung pine-pressure ‘yung sarili to keep up with the standards of what people want from me. Also just learning to live life and appreciate whatever is happening at the moment,” sey ni Darren. 

Jestoni, gwardyado ang anak

Inamin ni Jestoni Alarcon na kinikilatis niya ang mga lalaking nanliligaw sa kanyang anak na si Angela.

“Actually, may mga dumadalaw sa kanya na boys sa bahay talaga. Ang gusto ko lang kasi, makilala ko. So natutuwa ako kapag nakikilala ko in person. Kung ano man ang magiging development nila, nasa kanya na ‘yon. Hindi naman ako magsasabing ‘O huwag ‘yan kasi ganiyan.’ Tinitingnan ko rin kung okay. Kung sa tingin kong mukhang okay naman ‘yung bata, mabait naman, sa tingin ko mamahalin nang husto ‘yung anak ko, why not, ‘di ba?” kuwento ng aktor.

Si Angela naman, kinikilala rin nang mabuti ang kanyang mga manliligaw.

“Siguro it should be multiple dates po muna. I need to know first if worth it na po bang ipakilala sa parents. If genuinely I have a connection with the person, if alam ko naman ‘yung intention niya sa akin is mahal talaga niya ako, doon na po talaga ready ko siyang ipakilala. It’s more of my dad talaga. My mom is pretty chill about it. Okay lang kay mommy lahat. Happy siya basta happy ako. Pero si dad po talaga, talagang bina-background check niya,” sabi ni Angela.

Magkasama ang mag-amang Angela at Jestoni sa Kapuso action series na Black Rider.