Maid of Honor (114)
“MAY sumusunod sa ating kotse, Inah. Kanina ko pa napapansin,’’ sabi ni Honor.
“Anong gagawin natin, Kuya?’’
“Malayo pa ba tayo sa inyo?’’
“Malayu-layo pa Kuya.’’
“Kabisado mo ang kalsada rito?’”
“Oo Kuya. Kahit saan tayo sumuot, kabisado ko ang lugar na ito.’’
“Okey. Hindi tayo magpapahalata.’’
“Sige Kuya.’’
Nagpatuloy sila sa pagtakbo.
Nang makalayo nang bahagya sa sumusunod, nagpasya si Honor.
“Kakaliwa tayo, ililigaw natin sila!’’
“Sige Kuya, kabisado ko yan.’’
Kinabig ni Honor sa kaliwa. Binilisan ang pagpapatakbo.
“Ikanan mo Kuya!’’
Sumunod si Honor.
“Ikanan mo uli Kuya. Mayroon tayong pagtataguan diyan.”
Ikinanan ni Honor. Mga sagingan ang bumulaga sa kanila. (Itutuloy)
- Latest