Maid of Honor (46)

BAKIT kaya iniwan ni Yana na bukas ang pinto? O baka nalimutang isara? At nasa banyo pa at naliligo? Paano kung may nakapasok na magnanakaw. Kahit sa condo, may nangyayaring nakawan. Delikado ang ginawa ni Yana.

Ilang sandaling nag-isip si Honor.

Bigla na naman niyang naisip ang tungkol sa dancer sa KTV na may nunal malapit sa pusod at si Yana.

Naging malikot na naman ang imahinasyon niya.

Ano kaya at bosohan niya si Yana para matapos na ang lumiligalig sa isipan niya. Gusto lang naman niyang makatiyak kung ang dancer sa KTV at si Yana ay iisa. Kapag nakita na niya ay matatahimik na siya.

Dahil sa kalituhan, natabig ni Honor ang nakapatong na pigurin sa may TV. Lumikha ng ingay.

Narinig ni Yana ang pagbagsak. Nagsasabon sa katawan si Yana.

Ano kaya yun?

Baka may nakapasok na ibang tao?

Dali-dali siyang nagbanlaw.

(Itutuloy)