Direct flight mula Brunei, plano ng DOT

MANILA, Philippines — Papalakasin pa ang direct flight mula Brunei patungo sa mga tourist destination sa Pilipinas.

Ito ang plano ni Department of Tourism (DOT) Secretary Maria Christina Frasco sa sidelines ng Business forum sa Brunei.

Ayon kay Frasco sa ganitong paraan ay maaakit ang mga taga-Brunei na pumasyal sa Pilipinas.

Sa kasalukuyan anya ay mayroong local carriers ang Royal Brunei na bumiyahe, subalit ang target ng DOT ay ang direktang magdadala sa tourism destinations tulad ng Cebu at Clark.

Maliban dito, itatagu­yod aniya ng DOT ang halal tourism, ecotourism at iba pa.

Ayon kay Frasco na hindi maikakaila na magaganda ang dagat sa Pilipinas tulad na lamang sa Palawan, Cebu, Boracay at Siargao at unti-unti na rin sumisigla ang turismo sa bansa.

Ayon kay Frasco, bago ang pandemya sa COVID-19, nasa 8,000 turista mula sa Brunei ang bumisita sa Pilipinas at sa ngayon ay nasa 6,000 turista mula sa nasabing bansa ang bumisita dito.