BOQ naka ‘heightened alert’ vs FLiRT COVID-19 variants
MANILA, Philippines — Inihayag ng Department of Health (DOH) na naglabas ang Bureau of Quarantine (BOQ) ng memorandum na nag-aatas sa ahensya na magsagawa ng masusing screening sa COVID-19 at iba pang sakit.
Kinumpirma ni DOH Assistant Secretary Albert Domingo na hindi dapat maalarma ang publiko,dahil bahagi lang ito ng kanilang pagmamatyag sa pagpasok ng mga variant ng COVID-19 na KP2 at KP3, na kabilang sa FLiRT COVID-19 variants.
Sa Bureau Memorandum No. 2024- 48 na may petsang Mayo 24, 2024, alinsunod sa kautusan ni Herbosa ay kailangang magsagawa ng masusing screening para sa mga sintomas ng coronavirus disease para sa mga arriving visitors mula sa mga bansang may naitalang COVID-FLirt variant.
Hinihikayat din ang publiko na sundin ang mga pangunahing health measures tulad ng madalas na paghuhugas ng kamay, pagsunod sa coughing etiquette, pag-iwas sa mga matataong lugar at pag-iwas sa mga taong may flu-like symptoms.
Pinapayuhan din ng mga DOH ang mga travellers na kumpletuhin ang health questionnaire na available sa kanilang e-travel application.
- Latest
