May katiwalian sa DOH — Duque
MANILA, Philippines — “Mayroong katiwalian sa Department of Health (DOH).”
Ito ang pag-amin ni Health Secretary Francisco Duque III matapos na magbanta si Senador Richard Gordon sa budget hearing na iipitin ang budget ng DOH.
Dito inisa-isa ni Gordon ang mga kontrobersiya na bumabalot sa DOH kabilang dito ang dengvaxia vaccine at health facilities enhancement program na tungkol sa pagpapatayo ng mga barangay health stations.
Sinabi ng Senador na may swindling sa barangay health center project noong 2018 kung saan pinapasoli sa kontratista ang pera.
Sa pamamagitan ni Senador Pia Cayetano na sponsor ng DOH budget, sinabi nila na under investigation ang nasabing proyekto at posible lagi ang katiwalian.
Hindi naman tinanggap ni Gordon ang sagot na posible ang katiwalian kaya nagbanta siya na haharangin ang budget ng DOH.
Dahil dito sa pamamagitan ni Cayetano ay inamin ni Duque na may katiwalian sa DOH at sinabi ni Gordon na ang pag-amin lang ang kanyang hinihintay.
- Latest
