Ex ‘sex bomb’ dancer nagpasaklolo sa SC
MANILA, Philippines - Nagpasaklolo na kahapon sa Korte Suprema ang isang dating miyembro ng ‘all girls dance group’ o mas kilala bilang ‘sex bomb’ upang mapigilan ang kasong inihain ng kaniyang mister sa mga korte sa Quezon City.
Sa tulong ng grupong Gabriela, hiniling sa Korte Suprema ni Sugar Mercado at mga magulang na sina Reylando at Yolanda Mercado na mag-isyu ng temporary restraining order (TRO) ang Mataas na Hukuman kaugnay sa mga kasong isinampa laban kay Sugar ng asawang si Kristofer Jay Go sa iba’t-ibang korte sa Quezon City.
Sa Inihaing Petition for certiorari with prayer for TRO, nais ni Sugar na pigilan ang QC courts na dinggin ang mga isinampang reklamo ni Go. Ayon sa Gabriela, malinaw na harassment ang ginagawa ni Go sa paghahain ng mga kasong child abuse, libel at physical injuries.
Nabatid na nag-ugat ang problema ni Mercado sa agawan sa kostudiya sa kanilang anak.
- Latest