Killer ng ex-vice mayor, nadakip

MANILA, Philippines – Nadakip ng mga otoridad ang isang lalaki na umano ay pumatay sa isang dating vice mayor at apat nitong kasama sa isinagawang raid kahapon ng madaling araw sa Kabacan, North Cotabato.

Ang mga suspek ay kinilalang sina Omar Sultan alias ‘Menu’ Derby Gani Manok, 35, may-asawa at residente ng Brgy. Lower Paatan, Kabacan, North Cotabato; Monger Kusain, 25; Rahib Pilas Inggam, 22; Abu Hajitaib at isang inaalam pa ang pangalan.

Nasamsam sa mga suspek ang isang 5mm na baril, kalibre .45 na pistola, 1 granada at tatlong kinarnap na motosiklo at shabu paraphernalias.