No. 2 spot kinuha ng Knicks sa East playoffs
NEW YORK — Bumanat si Jalen Brunson ng 40 points para tulungan ang Knicks sa 120-119 overtime win sa Chicago Bulls at hablutin ang No. 2 seed sa Eastern Conference playoffs.
Ito ang best season ng New York (50-32) na lalabanan sa first round playoffs ang mananalo sa play-in game ng Philadelphia 76ers (47-35) at Miami Heat (46-36).
Pinamunuan ni DeMar DeRozan ang Chicago (39-43) sa kanyang 30 points, ngunit naimintis ang isang short jumper sa huling 2.8 segundo sa overtime.
Tumapos ang Bulls sa No. 9 sa East at haharapin ang No. 10 Atlanta Hawks sa play-in tournament.
Sa Philadelphia, humataw si Tyrese Maxey ng 26 points sa 107-86 paggupo ng 76ers (47-35) sa Brooklyn Nets (32-50) papasok sa play-in tournament.
Sa Orlando, kumamada si Paolo Banchero ng 26 points sa 113-88 pagbugbog ng Magic (4735) sa Milwaukee Bucks (49-33) para makopo ang No. 5 spot sa East.
Sa Oklahoma City, umiskor si Shai Gilgeous-Alexander ng 15 points sa first half sa 135-86 panalo ng Thunder (57-25) sa Dallas Mavericks (50-32) para angkinin ang No. 1 seed sa Western Confrence.
Sa Memphis, umiskor si Jamal Murray ng 21 points sa 126-111 paggiba ng nagdedepensang Denver Nuggets (57-25) sa Grizzlies (27-55) para upuan ang No. 2 spot sa West playoffs.
- Latest
