Cherrylume babanderahan ng mga UE Lady Warriors

MANILA, Philippines - Binubuo ng core ng University of the East, ha-ngad ng bagitong Cherrylume na makalikha ng matinding impresyon sa una nilang pagsali sa PSL All-Filipino Conference na magbubukas sa Martes sa Filoil Flying V Centre sa San Juan.

Pangungunahan nina Judith Abil, Mary Ann Mendrez, Seth Rodriguez, Jana Sta. Maria, setter Lai Bendong at libero Juliet Catindig ang  Iron La-dy Warriors sa kanilang kampanya na gagamitin din nilang prepasyon para sa darating na UAAP Season 80.

Kasama rin sa roster ng Cherrylume sina Yeye Gabarda, Dana Disquitado, Zilfa Geline Olarve, Camille Victoria, Remcel Joyce Santos, Erika Lopez, Mialyn Manabat at Lhara Maye Clavano.

Magsisilbing coach ng koponan si Lerma Giron, ang deputy ng kanilang head coach sa UE na si Francis Vicente.

Hindi makakasama ng Iron Lady Warriors ang iba pang manlalaro ng UE na sina Shaya Adorador, Roselle Baliton, Kath Arado at Jasmine Alcayde dahil naglalaro sila para sa Generika na hawak ni  Vicente.