^

PM Sports

Paeng dinagdagan ang Guinness record

Pang-masa

MANILA, Philippines - Sa ikatlong pagkakataon ay muling hinirang ng Guinness World Record si Filipino sports legend Paeng Nepomuceno matapos itaas ang kanyang career titles sa 124 mula sa dating 118.

Ilan sa mga titulong idinagdag kay Nepomuceno ay ang 2008 South Pacific Classic sa Melbourne, ang 2010 Bowling World Cup National Finals at ang 2011 Philippine International Open.

Si Nepomuceno, tinalo ang kasalukuyang world champion two-handed bowler na si Jason Belmonte sa South Pacific Classic finals, ay ang tanging foreign athlete na nagkampeon ng dalawang beses sa nasabing torneo. Siya rin ang tanging pinakabatang naghari sa Philippine International Masters champion sa edad na 17-anyos noong 1974 at 54-anyos noong 2011. 

Simula noong 1972 ay palagian na siyang nananalo sa mga sinasalihan niyang torneo. 

Hindi pa rin nababasag ang tatlong Guinness World Records ni Nepomuceno.

“It’s truly a big honor for me and the country to be listed for the third time in the Guinness World Records,” wika ni Nepomuceno.

Ang kanyang dalawang World Guinness Records ay para sa pinakabatang world bowling champion sa edad na 19-anyos nang manalo siya sa Bowling World Cup sa Teheran, Iran noong 1976 at ang ikalawa ay ang pagkopo  niya ng tatlong world titles sa tatlong magkakaibang dekada.

Nagwagi siya noong 1976, 1980 sa Indonesia at noong 1992  sa Le Mans, France at nakuha niya ang kanyang ikaapat na BWC crown noong 1996 sa Northern Ireland.

Sa kabuuan, mayroon siyang anim na world titles.

Kinilala rin si Nepomuceno bilang Bowling Athlete of the Millennium ng FIQ, ang world go-verning body, noong 1999. 

Siya ang pinakaunang male bowling athlete na iniluklok sa World Bowling Hall of Fame mula sa kanyang life-size image sa entrance ng Hall of Fame and Museum sa Arlington, Texas.

 

BOWLING ATHLETE OF THE MILLENNIUM

BOWLING WORLD CUP

BOWLING WORLD CUP NATIONAL FINALS

GUINNESS WORLD RECORD

GUINNESS WORLD RECORDS

HALL OF FAME AND MUSEUM

NEPOMUCENO

NOONG

SOUTH PACIFIC CLASSIC

WORLD

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user