Bloated na Pakiramdam

Pagkatapos ng piestang handaan mula Noche Buena at ipinagdiriwang na kapaskuhan ay napalaban na sa kainan. Hindi pa tapos ang mala-festive na okasyon dahil next week ay sasalubungin naman ang selebrasyon ng Bagong Taon.

Pero ngayon pa lamang ay kadalasan ay mabigat na ang pakiramdam ng tiyan. Lalo na kung hindi nabantayan ang inupakang pagkain sa mga walang katapusang parties at kainan.

Kung ang pakiramdam ay bloated, hindi ka nag-iisa. Bunga ito ng pagtaas ng gas sa stomach. Makatutulong na humiga at saka lagyan ng efficacent oil o nakasanayang panghampas sa tiyan. Masahiin ang tiyan na puwedeng gawin sa iyong sarili upang bumaba ang gas o acidity.

Ito ay makatutulong na bumababa ang kinain sa iyong stomach at maginhawaan ang naninikip, sobrang pressure, at bloated sa iyong tiyan.

Huwag kalimutan na i-hydrate ang katawan. Ang tubig ay isang solusyon sa maraming health isyu na nararamdaman, isa na rito ang bloating. Ang pag-inom ng tubig araw-araw na aabot ng walong baso na hindi pa kasi ang ibang fluid na ininom ay maganda sa kalusugan.

Kapag hydrated ay malalabanan ng katawan ang bloating na nararamdaman. Wala nang pinakamagandang gawin ay kumain ng gulay at prutuas upang mas madaling matunaw ang kinakain. Mapipigilan din ang pagkakaroon ng constipation at bloating na nararanasan.