Kylie, jinowa reveal si David Beckham!

“fine, jowa reveal,” caption ni Kylie Verzosa sa series of photos na nasa Rhone-Alpes, France.

Kaya naman ang daming na-curious at naatat na makita ang jowa supposedly niya na nasa last photo.

Pero si David Beckham ang kasama niya sa photo na alam mong photo op lang naman.

Maraming natawa pero may iba namang maanghang ang mga komento dahil may asawa ito, si Victoria Beckham.

Pinagdududahan na may rich businessman jowa ang sexy actress and former beauty queen sa kasalukuyan pero obviously ay ayaw pa niyang ilantad.

Joshua, walang kasamang kapamilya sa condo

Ah dalawang kasambahay at dalawang security lang pala ang kasama sa condo ngayon ng eldest ni Kris Aquino na si Joshua ayon sa isang source.

‘Yup wala raw itong kasamang kapamilya sa kasalukuyan pero pinupuntahan ng mga anak ni Vice Governor Mark Leviste.

Spotted nga raw ang anak ng pulitikong boyfriend ni Kris sa kasalukuyan kasama ang girlfriend nito – sina Ronin Leviste and Andrea Macaraig kahapon.

Kaya ang tanungan ng netizens, asan ang ama ni Joshua na si Phillip Salvador?

Wala naman daw sigurong masama kung pupuntahan nito si Joshua o dadalawin man lang.

Napapabalitang kakandidato diumanong senador si Phillip Salvador sa darating na mid-term election next year.