Dianne nadenggoy din ng businesswoman!

Ang Facebook post ni Dianne Medina (Maria Patricia Dianne Medina) na, “Question: saan maganda mag-investment? Any best investment ideas? Haha.”

Isa si Dianne sa mga taga-showbiz na sinasabing nag-invest daw sa isang businesswoman from Brunei.

Nag-comment naman sa post na ‘yon ang si Sunshine Cruz, cousin ng fiancé ni Dianne na si Rodjun Cruz.

“May kilala ako. 6% daw ang interest kaya lang hindi na nya ireturn ang principal may kasama pang sumbat at paninira. You want? Hahaha joke,” comment ni Sunshine na may smiley emojis.

Katulad ni Dianne, sinasabing nag-invest din si Sunshine sa nasabing businesswoman.

Samantala, nag-message ako sa nasabing businesswoman kung gusto niyang magbigay ng kanyang side lalo na sa inihaing reklamo ng businessman na si Joel Cruz laban sa kanya, pero tatanungin pa raw niya ang kanyang lawyer at sinabing bukas (Monday) siya sasagot tungkol doon.

Yasmien at mister panay ang biyahe

In between tapings of Hindi Ko Kayang Iwan Ka ay madalas palang mag-Asian trips ang mag-asawang Yasmien Kurdi at Rey Soldevilla, Jr. kasama ang anak nilang si Ayesha.

Kamakailan nga ay nag-Kuala Lumpur, Malaysia na naman ang pamilya.

Pilot ang mister ni Yasmien at hindi lang ako sure kung isa ba ‘yon sa perks ng kanilang pamilya dahil sa trabaho ni Rey.

Anyway, nakakatuwa nga si Yasmien na kahit busy sa tapings ng Hindi Ko Kayang Iwan Ka ay ipinapakita pa rin sa kanyang mag-ama na priority niya ang mga ito.

Isa nga si Yasmien sa mga artistang kahit busy sa showbiz career ay happily married pa rin!