3rd Cor Jesu Invitational Volleyball kasado na

CEBU, Philippines — Kapin sa 30 ka teams ang mokumbati sa 3rd Cor Jesu Invitational Volleyball Tournament nga gikatakda karong Nobiembre 7–8 diha sa Sacred Heart School-Ateneo de Cebu (SHS-AdC) sa Barangay Canduman, dakbayan sa Mandaue.

Ang duha ka adlaw nga torneyo naglangkob og tulo ka mga kategoriya - girls Under-10, Under-12 ug Under-15 ategories.

Mangu sa mga mopakita og aksiyon ang host SHS-AdC Magis Eagles, uban ang mga teams gikan sa Bacolod Taytung, Davao Christian High School, Kong Hua School Cagayan de Oro, Zhake Tabuelan, University of San Jose-Recoletos (USJ-R), Dalaguete, Compostela, Catmon, Tuburan, Lapu-Lapu ug Mandaue.

“Teams from different parts of the Philippines are coming, and we’re excited to see everyone on November 7 and 8 for the 3rd Cor Jesu Volleyball Tournament,” matud pa ni SHS-AdC athletic director Francis Dann Singco.

Miabag ni Singco pagorganisa ning kalihukan sila si tournament director Jon Ralph Inot, Ian Callet sa Indie Sports/We are CSAS, ug ang Ateneo de Cebu Parents.

“We’re hoping that this tournament can provide a stage for our student-athletes not just to compete, but also to mold their Ignatian virtues,” paambit pa ni Inot. Si Callet nagkanayon nga ang pagkaapil sa Under-10 age group usa sa mga nindot nga nadugang nila sa kompetisyon ning higayona.

“What’s new this year is that we specifically added the Under-10 age group so we could invite more young student-athletes to pick up a ball instead of a gadget and introduce them to the sport at an early stage in their lives,” padayag pa ni Callet.