Kai kayang maging superstar sa Asia

MANILA, Philippines —  Naniniwala si Gilas Pilipinas head coach Tim Cone na malaki ang pag-asa ni Kai Sotto na makapasok sa NBA.

Personal na nasaksihan ni Cone ang malaking pagbabago sa paglalaro ni Sotto na bahagi ng Gilas Pilipinas na sumabak sa katatapos na FIBA Asia Cup 2025 Qualifiers.

Nagtala ang 7-foot-3 Pinoy cager ng averages na 15.5 at 14.0 rebounds sa dalawang laro ng Gilas Pilipinas kontra sa Hong Kong at Chinese-Taipei.

“He is going to absolutely dominate Asia. I’ve always felt that,” wika ni Cone.

Ramdam ang presensiya ni Sotto partikular na sa laban ng Gilas Pilipinas kontra sa Chinese-Taipei.

Umiskor ito ng tatlong blocks habang nagbigay din ito ng solidong depensa para mahirapang makapuntos ang Chinese-Taipei.

Nakikita ni Cone na malaki ang tsansa ni Sotto na mas lalo pang tumaas ang laro na maaaring maihalintulad sa mga European players.

“If you get him into the right spots, he can absolutely dominate Asia. For him, the next spot is to get up to the European level and the NBA level and we are hoping that we can help him get into that level,” ani Cone.

Hindi naman na bago si Cone sa mga world-class players dahil naging bahagi na ito ng Miami Heat c­oaching staff sa NBA Summer League.

Inaasahang babalik na agad si Sotto sa Japan para makasama ang Yokohama B-Corsairs sa Japan B.League.