PBA Draft gibaha og mga entrante
CEBU, Philippines — Usa ka record ang gidaghanon sa mga aplikante nga mosalmot sa giatngan nga 48th PBA Rookie Draft nga gikatakda karong Dominggo, Septiembre 17, didto sa Market! Market! sa Taguig.
Miabot ngadto sa 128 ka players ang naapil sa listahan sa mga nangandoy ng makaduwa sa PBA.
Gibuak niini ang miaging record nga 97 ka players sa Season 46 draft niadtong 2021.
Apil sa mga misumite sa ilang aplikasyon atol sa deadline niadtong Septiembre 10 mao sila si Ricci Rivero, Schonny Winston, Zav Lucero, Brent Paraiso, Keith Datu, Brandon Bates, Luis Villegas, Ken Tuflin, Stephen Holt, Kim Aurin, Raphael Cu, Fran Yu, Henry Galinato, Dominick Fajardo, Kemark Carino, Sherwin Concepcion, James Kwekuteye ug uban pa.
Mipakita dayon sila sa ilang abilidad sa Draft Combine nga nagsugod kagahapon ug mahuman karong adlawa, Septiembre 13, didto sa Gatorade Hoops Center sa Mandaluyong.
Unya sa rookie draft, ang Terrafirma maoy mobunlot sa No.1 overall pick ug pagasgundan kini sa Blackwater.
Ang Rain or Shine mobira sa mosunod nga duha ka picks ug dayon ang Phoenix, NLEX, ug Meralco.
Ang Converge mokuhit sa No.9 ug 10 picks ug mosunod ang NorthPort ug Terrafirma.
- Latest
