Gilas men’s 3x3 team ligwak sa Iran sa Asia Cup

MANILA, Philippines — Tumiklop ang Gilas Pilipinas 3x3 sa dulo at nalasap ang 11-14- ka­bi­guan sa Iran sa pag-dribol ng 2023 FIBA 3x3 Asia Cup kahapon sa Singapore.

Nilustay ng No. 4 Natio­nals ang kalamangan sa end game na sinamanta­la ng No. 12 Iran para sa comeback win sa Pool D action ng 12-team Asian con­tinental tilt.

Kontrolado ng Gilas ang laban at nakapagtayo ng 11-7 bentahe sa huling 1:28 ng laro subalit nangitlog na buhat doon tungo sa 0-1 kartada sa Pool D.

Malaking dagok ito sa kam­panya ng Gilas dahil tanging ang Top Two teams lang ang aabante sa knockout quarterfinals kaya kinakailangang manalo sa huling laban sa Qatar.

Bumida sa Gilas si Bran­don Bates sa naiposte ng 5 points at 4 rebounds, habang may 4 at 2 mar­kers sina Almond Vosotros at Jorey Napoles, ayon sa pagkakasunod.

Umabot ang Gilas sa se­mifinals para sa best fi­nish sa Asian 3x3 history noong nakaraang edisyon sa likod ng game-winner ni Vosotros sa quarterfinals kontra sa No. 1 Mongolia.

Samantala, lalabanan na­man ngayong hapon ng No. 9 Gilas wo­men’s 3x3 team ang No. 1 China at No. 7 Iran sa Pool A.