Gitaruelas, Carcueva nanghawod lumba sa IBP-CCC
CEBU, Philippines — Sila si Lovely Gitaruelas ug Joel Carcueva maoy nangu sa mga mananaog sa "Criterium Race:The Verdict" nga gipasiugdahan sa Integrated Bar of the Philippines (IBP)-Cebu City
Chapter niadtong weekend didto sa F.E Zuellig Avenue, dakbayan sa Mandaue.
Si Gitaruelas gikoronahang kampiyon sa women's open human iyang gipukan sila si Karen Manayon ug Nancy Antipuesto nga mipahiluna sa ikaduha ug ikatulong dapit.
Sa iyang bahin, si Carcueva milangkat og duha ka titulo. Naghari siya sa 20-29 age group
human giwani sila si John Louis Alatraca ug Ramon de la Cruz ug ingon man sa MTB category human gibuntog sila si Samstil Mamites ug Khalil Sanchez.
Sa kumbati tali sa mga abogado, si Mariano James Cuenco mibira sa korona sa men's division
ug gisundan kini nilang Darwin Cula ug June Maratas samtang si Maria Alice Lim-Ingles maoy labing paspas sa women's class diin sila si Hazel Miranda-Caraballe ug Arlette Maratas nalandig sa ikaduha ug ikatulong luna.
Si Philip Sainz ang nanghawod sa 50-above division diin si The Freeman sports columnist JV .Araneta ug Haylen Bardaje ang mi-okupar sa sunod nga duha ka puwesto. Ang top 3 finishers sa ubang age brackets mao sila si Ramonito Espinosa, Albert Basirgo, ug Donkey Sanchez (40
-49), Roy Carbonela, Jhano Canasa, ug Jerson Domingo (30-39), ug Sumiso Basalan, John Taperla, ug Dwight Santos (Under 19),
Ang malampuson nga kalihukan giorganisa ni IBP-CCC President Michelle Mendez-Palmares mkauban sila si Mary Grace Hermosa Casano, ang IBP-CCC executive director for legal aid, ug
Regal M. Oliva, ang deputy governor sa IBP Eastern Visayas.
Sila si Mark Gregory Avila ug John Dennis Fernandez nagsilbeng project chairpersons sa lumba nga gi-presenta sa Uban Ta Bai'ke UTB inabagan sa kagamhanan sa dakbayan sa Mandaue ubos sa liderato ni mayor Jonas Cortes ug sa Young Lawyers Association of Cebu (YLAC).
- Latest