Clippers gipakgang ang Mavs
CEBU, Philippines — Si Paul George mikadlit og 29 puntos alang sa LA Clippers, nga mipahimus sa wala gihapon pagduwa ni Luka Doncic aron pakagingon ang Dallas Mavericks, 97-91, sa NBA kagahapon.
Midugang si Reggie Jackson og 23 puntos alang sa Clippers nga midaog sa una sa duha ka sagunson nilang duwa batok sa Mavs.
Si Jackson miposa og upat ka tres samtang si Ivica Zubac mipupo og 16 puntos ug 10 ka rebounds sa dihang gisanta sa Clippers ang duha ka sunod-sunod nilang pilde. Ang sentrong si Kristaps Porzingis maoy nangu sa Dallas uban ang 25 puntos ug walo ka rebounds samtang si Jalen Brunson midugang og 20 puntos ug walo ka assists sa pilderong kawsa.
Si Doncic wala makapakitag aksiyon sa miaging tulo ka sunod-sunod nga pilde sa Mavs gumikan kay nayayay ang tuhod ug kiting.
- Latest
