Oftana wala pang kontrata sa NLEX
MANILA, Philippines — Hanggang ngayon ay wala pa ring kontrata si third pick Calvin Oftana sa NLEX mahigit dalawang buwan na ang nakalilipas matapos ang PBA Annual Rookie Draft.
Si Oftana na lamang ang rookie draftee na nasa Top 5 pick na wala pang kontrata.
Ngunit ayon sa ilang ulat, pinaplantsa na ng pamunuan ng Road Warriors ang magiging kontrata ni Oftana.
Gayunpaman, sumasalang na sa ensayo ng Road Warriors si Oftana kung saan masaya naman si head coach Yeng Guiao sa ipinapakita nito.
Produkto ng San Beda University si Oftana.
Nagtala ito ng averages na 15.5 points, 8.2 rebounds, 2.5 assists, at 1.1 block noong NCAA Season 95 kung saan nasungkit nito ang Most Valuable Player award.
Bahagi rin si Oftana ng Gilas Pilipinas na sumalang sa second window ng FIBA Asia Cup Qualifiers noong Nobyembre sa Manama, Bahrain.
- Latest
