Sotto dili na moduwa sa Gilas sa final window sa FIBA qualifiers
CEBU, Philippines — Nagpanikad na unta si Kai Sotto nga moduwa uban sa Gilas Pilipinas alang sa third window sa 2021 FIBA Asia Cup Qualifiers.
Si Sotto nituyo pag-anhi sa Pilipinas aron tumanon iyang damgo nga motabang sa kampanya sa nasudnong koponan sa final window karong Pebrero 18-23 didto sa Doha, Qatar.
Apan nahanaw ang iyang pangandoy kay niadtong Biyernes sa gabii, gipahibalo ni FIBA Asia Executive Director Nagop Khajirian nga ang mga duwa sa Doha gikanselar tungod sa pagsaka sa mga kaso sa coronavirus sa maong nasud.
Ang Qatar mao unta ang mo-host sa mga duwa sa Groups A, B ug E, apan gibalik kini sa Pilipinas nga maoy orihinal nga plano. Ang 18-anyos nga sentro gikatakdang molarga balik sa Estados Unidos aron makig-uban og balik sa Ignite sa NBA G-League bubble didto sa Orlando.
- Latest