Crawford nagpanikad ni Pacquiao
CEBU, Philippines — Human sa yano niyang kadaogan batok ni Kell Brook, ang wa'y pildeng si Terence Crawford walay pamilok nga namahayag nga matud pa gusto niyang sangkaon sunod si Manny Pacquiao.
Si Crawford milampos pagdepensa iyang WBO welterweight title human gikastigo si Brook dayon na ngadto sa pagkulit og impresibong kadaogan pinaagi sa 4th round TKO niadtong Domingo didto sa MGM Grand bubble sa Las Vegas.
Taliwala sa naglagiting niyang kalamposan, ang 33-anyos nga si Crawford wa'y kurat nga mipahibalo nga si Pacquiao, ang kasamtangang WBO welterweight champion, maoy sunod sa iyang listahan. “I already said who I want next. I want Pacquiao," matud pa ni Crawford, nga nagkupot og perpektong 37-0 record uban ang 27KOs.
Gibutyag ni Crawford nga hapit na unta mahulma ang sangka nilang Pacquiao didto sa tunga-tungang sidlakan, apan nadiskaril kini human miulbo ang kalibutanong pandemiya.
Mismo si Top Rank promoter Bob Arum ang mipasalig nga makig-negosasyon og balik sa iyang mga kontak didto sa Middle East alang sa away nilang Pacquiao ug Crawford nga lagmit mahitabo didto sa Saudi Arabia o Qatar sunod tuig.
- Latest